Hyperbilirubinemi hos nyfødte - prøvetaking og oppfølging v. 2.1

Hensikt og omfang

Sikre riktig bruk av transkutan fotometri (TcB) ved mistanke om hyperbilirubinemi hos nyfødde i føde-barselavdelingane i Helse Møre- og Romsdal (HMR).

Prosedyren gjeld for jordmødre, barnepleiarar og barnelegar ved sjukehusa i HMR.

Nyfødd som krev undersøking

  • ved mistanke om hyperbilirubinemi
  • under 37 vekers gestasjonsalder
  • når eldre søsken har blitt behandla for gulsott i nyføddperioden
  • ved kefalhematom eller anna større blodutredning  
  • ved utskriving før 3 dagar gamal
  • ved mørk hudfarge (TcB ved 24-36 timers alder)

 

Bakgrunn

Screening for gulsott vert utført når ein mistenker utvikling av hyperbilirubinemi. Transkutan fotometri (TcB) er meir skånsomt for barnet enn blodprøve (S-bil.). Barnet blir ikkje utsett for smerte og det er ingen infeksjonsfare ved bruk av TcB. Ein annan fordel er at måleresultat er tilgjengeleg med ein gong, og behandling kan starte utan forsenking. Ulempa ved metoden er manglande presisjon.

 

Ansvar

Personalet ved føde-barselavdelingane i Helse Møre og Romsdal.

Barnelegar med ansvar for nyfødde i føde-barselavdelingane – etter tilkalling.

 

Handling

TcB på panne eller sternum er likeverdig og rimeleg nøyaktig ved lave serumverdiar hos fullbårne barn. Bruk kontrollskjema for bilirubinmåling (relatert) ved oppfølging av alle prøvesvar (både TcB og S-bil.).

Alltid kontroll av serumbilirubin (blodprøve) når

  • TcB er innanfor 50 mikromol/l av behandlingsgrensa
  • TcB er > 250 mikromol/l
  • barnet er synleg ikterisk første levedøgn
  • det er behov for kontroll av bilirubinverdien under lysbehandling
  • lysbehandling blir avslutta

NB! Ved rekvirering av serumbilirubin velg alltid PS-bilirubin-fraksjoner.

 

Når barnet treng lysbehandling

  • skal mors blodgruppe (ABO) og Rhesus vere kjent (er bestemt i svangerskapet)
  • skal det takast blodprøve av barnet for å bestemme ABO, Rhesus og DAT
  • bruk prosedyren Fototerapi til premature og nyfødte barn

 

Ulike apparat blir brukt for TcB-måling i HMR (m.a. Dokumentet er ikke gyldig (Ikke tilgjengelig) og Bilirubinmåler JM-105 (Ikke tilgjengelig).

Brukarrettleiing for aktuelle apparat er tilgjengeleg i barselavdelingane.

 

 Relatert

Bilirubinskjema – Norsk veileder for behandling av gulsott hos nyfødte

BiliCheck

Bilirubinmåler JM 105 (Dräger)

Gulsott – foreldreinformasjon engelsk versjon

Gulsott – foreldreinformasjon norsk versjon

Fototerapi til premature og nyfødte barn

 

Referansar

Nasjonal faglig retningslinje for barselomsorgen. Nytt liv og trygg barseltid for familien. Helsedirektoratet 2014 (IS-2057).

Norsk veileder for behandling av gulsott hos nyfødte (april 2016). Etter konsensus i Interessegruppen i Nyfødtmedisin. Norsk Barnelegeforening 2016.  

Bratlid D, Nakstad B, Hansen TWR. National guidelines for treatment of jaundice in the newborn. Acta Paediatr 2011; 100; 499-505