Pasientforløpet «Barseltida i HMR» skal gjennom standardisert og forutsigbar tilnærming bidra til at den nye familien får ein god start på barseltida. Behandling, rettleiing og informasjon skal bygge på kunnskapsbasert viten om barselkvinna og det nyfødde barnet.
Ø kunnskapsbasert og trygg behandling/oppfølging
Ø individualisert tilnærming
Ø eintydig og kunnskapsbasert informasjon
Ø optimal ammestart
Ø barselkvinna/paret sin autonomi og deira høve til å påverke eige opphald
Forløpet er også meint å vere føreseieleg for tilsette – i helseforetaket og i samarbeidskommunane.
Forløpet er gjeldande for tilsette ved føde- barselavdelingane, barnelegar og andre tilsette med oppfølgingsansvar for nyfødde, kvinner og partnerar som har/har hatt opphald ved føde- barselavdelingane i Helse Møre og Romsdal
I 2014 kom Helsedirektoratet ut med nasjonal faglig retningslinje for fødselsomsorgen «Nytt liv og trygg barseltid for familien». Retningslinja har til hensikt å bygge opp under fagleg forsvarleg barselomsorg som er føreseieleg og familievenleg uavhengig om mor og barn er på sjukehuset eller heime den første tida.
Tidelgre Avdeling for fødselshjelp og kvinnesjukdommar (AFK) i HMR reviderte og klargjorde i 2018 pasientforløpet «Barseltida i Helse Møre og Romsdal» for implementering ved dei fire sjukehusa i Helseforetaket. Det har vore brei involvering av faggrupper frå dei fire føde-barelavdelingane og frå kommunehelsetenesta. Dette arbeidet vidareførast i dei tre klinikkane Ålesund, Volda og Sjukehuset Nordmøre og Romsdal.
Ansvar
Seksjonsleiar
Seksjonsleiar har ansvar for introduksjon av barselforløpet til jordmødrer, barnepleiarar og legar. Andre tilsette, t.d. sekretærar, skal introduserast for aktuelle delar av forløpet. Seksjonsleiar skal legge til rette for at tilsette får høve til å halde seg fagleg oppdatert. Seksjonsleiar har eit overordna ansvar for innkjøp av faglitteratur og filmar, og for planlegging av internundervisning.
Jordmor, barnepleiar og lege
Den tilsette har ansvar for å følge opp barselkvinner etter gjeldande prosedyrer/rutiner i tidlegare AFK Det er krav om at den einskilde jordmor, barnepleiar og lege er oppdatert i pasientforløpet «Barseltida i HMR» (delprosessar, prosedyrar, pasientinformasjon og tilhøyrande bakgrunnstoff ).«Barseltida» har eigen kompetanseplan i Kompetanseportalen.
Fagjordmor og forløpsansvarleg
Fagjordmor og forløpansvarleg har ansvar for revisjon og nødvendig justering av pasientforløpet i EQS. I samarbeid med seksjonsleiar har dei ansvar for undervisning og implementering av forløpet.
Handling
Mottak i barselavdeling
Jordmor eller barnepleiar som tek i mot barselkvinna/paret i barselavdelinga informerer om avdelinga, måltid og forventa liggetid Barseltida- Informasjon ved mottak i barselavdelinga
Jordmor/barnepleiar deler ut brosjyra «Velkomen til føde-barselavdelingane i Møre og Romsdal» og viser til nettsidene våre
Når familierom/-døgn er aktuelt, gje paret informasjon om dette Familierom/-døgn -ved føde/barselavdelingane i HMR
Det er viktig med god ammestart, og grunnlaget vert lagt allereie like etter fødselen. Dersom barnet ikkje er amma etter fødsel er det nødvendig å tilrettelegge for amming så raskt som råd etter overflytting Ammeprosedyre - Føde-barselseksjonane i HMR
Hud mot hud- kontakt er viktig ikkje berre rett etter fødselen, men også vidare i barselperioden. For å få til dette praktisk kan bæresjal/tubetopp vere eit godt hjelpemiddel Bæreplagg på barsel; bruk og rengjøring
Kvinner som har fått utført keisarsnitt får utdelt brosjyra «Planlagt keisarsnitt »
ü Førstegangsfødande har tilbod om å vere 3 døgn i avdelinga
ü Fleirgangsfødande har tilbod om å vere 2 døgn i avdelinga
ü Dei med keisarsnitt har tilbod om å vere 3(-4) døgn
ü Dersom mor ønsker å reise heim med barnet før rutineundersøking av barnelege er utført og ho sjølv er frisk, kan ho gjere det frå og med 6 timar postpartum. Barnet må vere friskt og ha normal SpO2-screening Legeundersøking nyfødd - retningslinje for føde-barselavdelingene
Informasjon og veiledning
Det er viktig at informasjon og veiledning under barselopphaldet er eintydig. Informasjonen skjer vanlegvis individuelt og er dialogbasert.
Det er viktig at barselkvinna/paret får informasjon og samtalar på eige morsmål. Bruk tolketenesta og informasjonsbrosjyrer på eige morsmål (evt.engelsk) der vi har det. Koordiner gjerne informasjon i ein tolkesamtale.
Ammesamtale
Alle barselkvinner skal få tilbod om ammeveiledning /ammehjelp og ammesamtale under opphaldet Barseltida-Ammesamtale
Postpartumsamtale
Under barselopphaldet skal alle barselkvinner få tilbod om samtale om fødselen. Ein prøver å legge til rette for at partner får vere med på samtalen og at jordmor som hadde fødselen leiar postpartumsamtalen. Barseltida-Postpartumsamtale
Legesamtale
Legesamtale er eit tilbod til barselkvinner etter akutt keisarsnitt og operativ vaginal forløysing. Forsøke å tilby legesamtale med den legen som var involvert i forløysinga.
Aktivitet/opptrening etter fødsel
Under barselopphaldet skal alle barselkvinner få tilbod om informasjon om aktivitet/opptrening etter fødsel utifrå tilbodet den enkelte fysioterapiavdeling kan gje og i ei skriftleg brosjyre på norsk eller engelskFysisk aktivitet, opptrening og øvingar etter fødsel og keisarsnitt
Utreisesamtale
Alle barselkvinner skal ha tilbod om utreisesamtale ved jordmor under opphaldet, vanlegvis kvelden før eller morgonen heimreisedagen.Barseltida - Utreisesamtale
Jordmor skriv utreiserapport i Natus. Når Helseplattformen kjem på plass, i denne.
Observasjon og oppfølging
Barselkvinna
Det er nødvendig å kartlegge den enkelte kvinnes behov for å kunne gi individuell behandling og legge til rette for aktuelle tiltak. Barselkvinna skal oppleve seg og barnet ivaretatt under opphaldet. For meir informasjon sjå Barseltida - Observasjon og oppfølging av barselkvinnen
Kvinner med medisinske diagnosar i svangerskapet og/eller kroniske sjukdommar kan ha behov for særskilt oppfølging i barseltida. Jordmor må vere merksam på den einskilde kvinne si sjukehistorie, følgje gjeldande prosedyrer og samhandle med lege/spesialistar etter behov.
Legevisitt blir tilbode kvinner med medisinske diagnosar som krev oppfølging.
Ver merksam på samhandling med kommunehelsetenesta når det gjeld risikoutsette barn og foreldre Risikoutsatte barn og foreldre. Fra bekymring til handling! Samhandling og oppfølging i svangerskap, fødsel og barseltid - Avdeling for fødselshjelp og kvinnesjukdommar og kommunene i Møre og Romsdal
Barnet
Under opphaldet vert barnet observert og undersøkt. Tidleg varslingsskår nyfødde ( TVS-N) vert følgt.Tidlig varslingsskår - nyfødt (TVS-N) (Ikke tilgjengelig) Personalet har ei sentral oppgåve i informasjon og veiledning av barselkvinna/paret med tanke på barnet. Utover rutinemessig legeundersøking av nyfødd må barnelege kontaktast ved behov for vurdering/tilsyn. For meir informasjon sjå Barseltida - Observasjon og oppfølging av det nyfødde barnet
Under opphaldet tilbys screeningundersøkingar
ü Transcutan O2 –metningO2-metning (SaO2) - Transkutan screening hos nyfødt i barselavdelingen
ü LegeundersøkingLegeundersøking nyfødd - retningslinje for føde-barselavdelingene
ü Hørsel Hørselsscreening av nyfødte (Ikke tilgjengelig)
ü NyfødtscreeningNyfødtscreening (Ikke tilgjengelig)
Jordmor/barnepleiar samarbeider med barnelege om barn med medisinske diagnosar og/eller barn med særskilde behov.
Utskriving mor og barn
Jordmor har ansvar for utskriving av mor og barn etter gjeldande prosedyreBarseltida-Fødselsepikrise i Natus - utskriving av barselkvinnen og barnet
Dokumentasjon
Når fødsel og barseltid blir gjennomført ved same sjukehus skjer fortløpande dokumentasjon i Natus – det gjeld både for barselkvinner og nyfødde.
Dersom fødselen har skjedd ved anna sjukehus må DocuLive nyttast for fortløpande dokumentasjon.
Når det er behov for medisinsk behandling dokumenterer lege i DocuLive – det gjeld både for barselkvinner og nyfødde.
Ved utskriving blir det sendt elektronisk fødselsepikrise til kommunehelsetenesta – ei for barnet og ei for barselkvinna. Fødselsepikrisene ferdigstillast og godkjennast i Natus, og sendes automatisk til DocuLive for utsendingBarseltida-Fødselsepikrise i Natus - utskriving av barselkvinnen og barnet
NB! Barselkvinna får med kopiar av fødselsepikrisene ved heimreise.
Legeepikrise blir sendt elektronisk i DocuLive når barselkvinna/nyfødd har fått medisinsk behandling som krev oppfølging i kommunehelsetenesta (fastlege).
Relatert
Aktuelle prosedyrer,vedlegg og lenker ligger under fanen «Relatert»
Nasjonal faglig retningslinje for barselomsorgen «Nytt liv og trygg barseltid for familien» Helsedirektoratet 2014
Regional plan for svangerskaps-,fødsels- og barselomsorg i Helse Midt-Norge 2015-2020
Amming –en håndbok for helsepersonell. Norsk utgave 2021 ISBN: 978-82-450-3403
Morsmelk, immunrespons og helseeffekter. Tidsskrift for Den Norske Lægeforening nr. 18, 2007; 127: 2395–8 (Oversiktsartikkel).
10 trinn for å bli godkjent som Mor-barn vennlig sykehus. Basert på WHO/Unicefs 10 punkter for vellykket amming.
Nedstemthet og depresjon i forbindelse med fødsel. Malin Eberhard-Gran og Kari Slinning. Nasjonalt folkehelseinstitutt, 2007. Norge, Oslo.
Jordmorboka. Ansvar, funksjon og arbeidsområde. Anne Brunstad og Eva Tegnander (red.). Akribe AS, 2017. Norge, Oslo.